Aniq vaqt

NAVRO‘Z – YANGILANISH VA BIRLIK BAYRAMI

🌸 Navro‘z – bu yasharish, yangilanish, mehr-oqibat va qadr-qimmat ayyomi. Tabiat uyg‘onib, bahor fasli o‘zining beg‘ubor go‘zalligini namoyon etar ekan, xalqimiz Navro‘zni intiqlik bilan kutadi. U ezgulik, birdamlik va saxovat ramzi sifatida yuraklarga iliqlik, qalblarga quvonch olib keladi.

⚡️ Joriy yilning 19-mart kuni “O’zMMI” DM Qo‘qon filiali va «UzTest» DM filiallari xodimlari Qo‘qon shahar Yoshlar bog‘ida o‘tkazilgan Navro‘z bayrami tadbirida ishtirok etishdi. Bahoriy shukuh bilan o‘tgan bayram barchaga unutilmas xotiralar ulashdi.

🌸 Tadbir davomida madaniy va sport tadbirlari tashkil etilib, milliy urf-odatlarimiz namoyish etildi. Ishtirokchilar an’anaviy milliy o‘yinlarda qatnashib, o‘z mahoratlarini sinovdan o‘tkazishdi. Ko‘tarinki ruhda o‘tgan sport musobaqalari esa barchaga yanada ko‘proq zavq ulashdi.

🎶 Bayram dasturi doirasida jonli kuy-qo‘shiqlar, milliy raqslar va teatrlashtirilgan chiqishlar namoyish etildi. Xalq ijodkorlari va yosh san’atkorlarning mahoratli chiqishlari barchani quvontirdi. Shuningdek, shoir va yozuvchilarning bahor va Navro‘z madh etilgan she’rlari kechaga yanada fayz bag‘ishladi.

Yangi maqolalar

Korruptsiyaga qarshi kurash

Biz korruptsiyaga qarshimiz

Oʻzbekiston milliy metrologiya instituti direktorining korrupsiyaga qarshi kurash boʻyicha murojaati
Batafsil