Aniq vaqt

KOOMETning 29-xalqaro TQ 1.6 yig‘ilishida O‘zbekiston vakili yangi yo‘nalishda faoliyat boshladi

✅ Qirg‘izstandartda (https://www.nism.gov.kg/) tashkil etilgan KOOMET tashkiloti huzuridagi TQ 1.6 “Massa va unga bog‘liq kattaliklar” texnik qo‘mitasining navbatdagi yig‘ilishi o‘tkazildi. Unda metrologiya sohasidagi yetakchi xalqaro mutaxassislar, shuningdek, O‘zbekiston milliy metrologiya instituti (O‘zMMI) (https://nim.uz/) vakillari ishtirok etdi.

✅ Yig‘ilishda massa o‘lchovlari, xalqaro solishtirishlar, etalonlar tizimini takomillashtirish hamda KOOMET doirasidagi hamkorlikni yanada rivojlantirish masalalari atroflicha muhokama qilindi.

✅ Mazkur yig‘ilish doirasida O‘zMMI vakili A. Botirov KOOMET TQ 1.6 tarkibidagi 1.6.6 “Oqim sarfi” ishchi guruhi rahbari etib tayinlandi. Endilikda u ushbu yo‘nalishda xalqaro taqqoslash loyihalarini tashkil etish, tajriba almashish va ilmiy-texnik hamkorlikni kuchaytirish ishlari bilan shug‘ullanadi.

✅ Bu yangilik O‘zbekiston metrologiyasining xalqaro maydondagi o‘rni tobora mustahkamlanib borayotganini, mamlakatimiz mutaxassislari esa sohaning global rivojiga munosib hissa qo‘shayotganini yana bir bor tasdiqlaydi.

Yangi maqolalar

Korruptsiyaga qarshi kurash

Biz korruptsiyaga qarshimiz

Oʻzbekiston milliy metrologiya instituti direktorining korrupsiyaga qarshi kurash boʻyicha murojaati
Batafsil