2026 yil 23–24 aprel kunlari Parij shahrida, Fransiya milliy metrologiya instituti (LNE)da EURAMET TC-IM texnik qo‘mitasining 31-yig‘ilishi bo‘lib o‘tdi. Unda O‘zMMI xodimlari ham faol ishtirok etdilar.
![]() |
Yig‘ilishda xalqaro metrologiya hamkorligi, so‘nggi qarorlar va ishchi guruhlar faoliyati muhokama qilindi. O‘zMMI tomonidan taqdim etilgan ma’lumotlarda so‘nggi yillardagi natijalar, EURAMET bilan hamkorlik, yangi loyihalar bo‘yicha takliflar hamda kelgusi rejalar yoritildi.
Alohida e’tibor raqamli metrologiyaga qaratildi. Xususan, raqamli kalibrlash sertifikatlari, ma’lumotlar boshqaruvi va sensor tarmoqlari bo‘yicha loyihalar muhokama qilindi. O‘zbekistonda metrologiya xizmatlarini raqamlashtirish, elektron platformalarni joriy etish va inson omilini kamaytirish bo‘yicha amalga oshirilayotgan ishlar ijobiy baholandi.
![]() |
Shuningdek, gaz qorishmalari standart namunalarini ishlab chiqish bo‘yicha tashabbuslar ham xalqaro ekspertlarda qiziqish uyg‘otdi.
Yig‘ilish yakunlariga ko‘ra, O‘zMMIning ishtiroki xalqaro hamkorlikni mustahkamlash, raqamli metrologiyani rivojlantirish va yangi qo‘shma loyihalarni yo‘lga qo‘yishda muhim ahamiyat kasb etdi.
![]() |


