Mazkur yigʻilish milliy metrologiya mnstitutlari oʻrtasida tajriba almashish hamda termometriya sohasidagi dolzarb rivojlanishlarni muhokama qilish uchun muhim maydon boʻlib xizmat qildi.
Yigʻilish davomida Oʻzbekiston milliy metrologiya institutining termometriya yoʻnalishidagi faoliyati boʻyicha taqdimot oʻtkazilib, milliy salohiyatni rivojlantirish borasidagi soʻnggi yutuqlar yoritib berildi. Xususan, 1990-yilgi Xalqaro Harorat Shkalasi (ITS-90)ni amalga oshirish laboratoriyasi, shuningdek, yaqinda tashkil etilgan namlik laboratoriyasiga alohida eʼtibor qaratildi.
Oʻzbekiston milliy metrologiya institutining TC-T faoliyatidagi ishtiroki xalqaro hamkorlikni mustahkamlashga hamda uning oʻlchash imkoniyatlarining xalqaro miqyosda eʼtirof etilishini kengaytirishga xizmat qiladi.