Tadbirda O‘zMMI DM Korrupsiyaga qarshi kurashish bo‘limi mas‘ullari tomonidan “Korrupsiya — taraqqiyot kushandasi” mavzusida ma’ruza qilindi. Shuningdek, seminarda Qashqadaryo viloyati prokuraturasi xodimi ishtirok etib, korrupsiyaga qarshi kurashishning huquqiy asoslari, amaldagi qonunchilik talablari va javobgarlik masalalari yuzasidan atroflicha tushuntirishlar berdi.
Seminar davomida ishtirokchilarga sohadagi me‘yoriy-huquqiy hujjatlar, xususan, O‘zbekiston Respublikasi Prezidentining PF-270-son Farmoni mazmun-mohiyati batafsil yoritildi. Uchrashuvda korrupsiyaning salbiy oqibatlari, manfaatlar to‘qnashuvining oldini olish, shuningdek, tizimda halollik va shaffoflikni ta’minlash masalalariga alohida e’tibor qaratildi.
Tadbir yakunida ishtirokchilarga har qanday korrupsion holatlarga nisbatan murosasiz munosabatda bo‘lish hamda shaxsiy mas‘uliyatni yanada oshirish zarurligi ta’kidlandi.