Aniq vaqt

O‘zbekiston va Germaniya: Milliy sifat infratuzilmasini rivojlantirish yo‘lida yangi qadamlar

O‘zbekiston milliy metrologiya institutida Germaniya Federal fizika-texnika instituti (RTV) vakillari bilan muloqot bo‘lib o‘tdi.

Uchrashuvda O‘zbekiston va Germaniya ishbilarmonlar kengashining 9-yig‘ilishi doirasida imzolangan “Yo‘l xaritasi” ijrosi atroflicha muhokama qilindi. Xususan, qiymati 1,5 million dollar bo‘lgan “O‘zbekiston iqtisodiyoti uchun milliy sifat infratuzilmasini isloh qilish va xizmatlarni rivojlantirishni qo‘llab-quvvatlash” loyihasi doirasida amalga oshirilayotgan ishlar tahlil qilindi.

Muzokaralar davomida loyiha koordinatori Nadin Tatge hamda sifat infratuzilmasi bo‘yicha mutaxassis Klemens Sanetra bilan istiqboldagi rejalar belgilab olindi.

Germaniya Federal fizika-texnika instituti bilan hamkorlikdagi ushbu loyiha 2028-yilga qadar davom etadi. Bundan ko‘zlangan asosiy maqsad — mamlakatimizda qonunlashtiruvchi metrologiya sohasini takomillashtirish, tizimga xalqaro ekspertlarni jalb etish va milliy sifat infratuzilmasini jahon standartlariga moslashtirishdan iborat.

Yangi maqolalar

Korruptsiyaga qarshi kurash

Biz korruptsiyaga qarshimiz

Oʻzbekiston milliy metrologiya instituti direktorining korrupsiyaga qarshi kurash boʻyicha murojaati
Batafsil