Aniq vaqt

🔬O‘zbekiston milliy metrologiya institutida 35-etalon: sathni o‘lchash vositalari uchun yangi yuqori aniqlikdagi etalon joriy etildi

⏱O‘zbekiston milliy metrologiya institutining (http://nim.uz/) sathni o‘lchash laboratoriyasida yuqori aniqlikdagi sath o‘lchash vositalarini tekshirishga mo‘ljallangan zamonaviy 35-etalon uskunasi muvaffaqiyatli tarzda o‘rnatildi va ishga tushirildi.

⚙️ Mazkur etalonni ishga tushirish va undan foydalanish bo‘yicha texnik ishlar xorijiy ekspert ishtirokida amalga oshirilib, institut mutaxassislariga amaliy texnik o‘quv mashg‘ulotlari tashkil etildi.

🌎Yangi o‘rnatilgan kompleks etalon yordamida xalqaro hujjatlarda belgilangan talablar asosida quyidagi sath o‘lchash vositalarini 0,3 mm aniqlikda va 25 metr uzunlikgacha bo‘lgan oraliqda qiyoslash va kalibrlash imkoniyati yaratildi:

🔵ultratovushli,

🟢radar,

🟡magnitqalqonsimon,

🩷trosli,

🔴mikroimpulsli sath o‘lchash vositalari.

✅ Va bu orqali ushbu yo‘nalishdagi o‘lchashlar natijalarining xalqaro etalonlargacha bo‘lgan metrologik kuzatiluvchanligi ta’minlanadi.

✅ Eng muhimi, xalqaro solishtirish loyihalarida ishtirok etish uchun imkoniyat yaratiladi.

🔗 Mazkur tashabbus respublikamizda yuqori aniqlikdagi sath o‘lchash vositalarining metrologik ta’minotini kuchaytirish, sanoat sohalarida aniqlik va ishonchlilikni oshirishda muhim ahamiyat kasb etadi.

Yangi maqolalar

Korruptsiyaga qarshi kurash

Biz korruptsiyaga qarshimiz

Oʻzbekiston milliy metrologiya instituti direktorining korrupsiyaga qarshi kurash boʻyicha murojaati
Batafsil