Aniq vaqt

Jamiyatda xotin-qizlarning siyosiy-huquqiy bilimlarini oshirish hamda reproduktiv salomatlikni yaxshilash – islohotlarning bosh omilidir

O‘zbekiston Respublikasi Vazirlar Mahkamasi huzuridagi Texnik jihatdan tartibga solish agentligi huzuridagi O‘zbekiston milliy metrologiya institutida “Jamiyatda xotin-qizlarning siyosiy-huquqiy bilimlarini oshirish hamda reproduktiv salomatlikni yaxshilash – islohotlarning bosh omilidir” mavzusida davra suhbati tashkil etildi.

Unda O‘zbekiston Xotin qizlar qo‘mitasi raisi maslahatchisi Rahima Mirxoliqova, iste’dodli shoira Lola Sobirova, Salomatlik va strategiya rivojlanish instituti Sog‘lom turmush tarzi boshqarmasi bosh mutaxassisi Sayera Mullayeva hamda institut xotin-qizlari ishtirok etishdi.

Tadbirda so‘z olganlar xotin-qizlar manfaatlarini himoya qilish, ular ahvolini tubdan yaxshilashga qaratilgan davlatimiz siyosati, xotin-qizlarni har tomonlama qo‘llab-quvvatlash, ular uchun barcha sharoitlarni yaratib berishga alohida e’tibor qaratilayotgani, ularni jamiyatda siyosiy-huquqiy bilimlarini oshirishda amalga oshirilayotgan ishlar, shuningdek, aholi orasida yuqumli bo‘lmagan kasalliklarning oldini olish, sog‘lom turmush tarzini shakllantirish va jismoniy faollik darajasini oshirish kabi mavzularga to‘xtaldilar.

Tadbirda davomida shoira Lola Sobirova o‘zining yangi she’rlarini o‘qidi hamda uning she’rlariga yaratilgan qo‘shiqlar, saundtreklar tinglandi.