Aniq vaqt

IMEKO texnik qo‘mitalarining faoliyatiga bag‘ishlangan taqdimotlar bo‘lib o‘tdi

Gamburg shahrida o‘lchash texnologiyalarini rivojlantirishga bag‘ishlangan IMEKO tashkilotining XXIV Xalqaro anjumani bo‘lib o‘tdi.

Ma’lumot uchun: 1958 yilda tashkil topgan IMEKO 42 ta a’zo tashkilotdan iborat nodavlat tashkilot bo‘lib, uning asosiy maqsadlari quyidagilardan iborat:

– ilmiy-texnikaviy axborotning xalqaro almashinuvi

– o‘lchov va asbobsozlik sohasida

– tadqiqot va ishlab chiqarish sohasida olimlar va muhandislar o‘rtasida xalqaro hamkorlikni kengaytirish.

 “Metrologiya haqida o‘ylaymiz!” (Think Metrology!) shiori ostida o‘tkazilgan IMEKOning mazkur anjumanida 50 dan ortiq davlatlardan 1 000 nafarga yaqin mutaxassislar orasida O‘zbekiston milliy metrologiya instituti mutaxassislari ham ishtirok etdi.

Mazkur tadbirda O‘zMMI mutaxassislarining ishtiroki Germaniya fizik-texnik universiteti (PTB) tomonidan amalga oshirilayotgan «CABUREK» ( Capacity Building Using Regional Experience and Knowledge – Mintaqaviy tajriba va bilimlardan foydalangan holda salohiyatni oshirish) xalqaro loyiha doirasida amalga oshirildi.

Anjumanda Germaniya fizika texnik instituti (PTB) sobiq prezidenti Joachim Ullrich, Xalqaro tarozi va o‘lchovlar qo‘mitasi (CIPM) Prezidenti Wynand Louw, Germaniya Iqtisodiyot va innovatsiya vaziri Melanie Leonhardlarning taqdimotlari bo‘lib o‘tdi.

Shuningdek, anjuman davomida IMEKOning 25 ta texnik qo‘mitalarining faoliyati, erishilgan natijalari hamda rejalashtirilgan ishlari yuzasidan taqdimotlar o‘tkazildi.

Aytib o‘tish lozimki, O‘zbekiston milliy metrologiya instituti IMEKOning TQ 6 – Raqamlashtirish (TC6 – Digitalization) Texnik qo‘mita a’zosi hisoblanadi.

Yangi maqolalar

Korruptsiyaga qarshi kurash

Biz korruptsiyaga qarshimiz

Oʻzbekiston milliy metrologiya instituti direktorining korrupsiyaga qarshi kurash boʻyicha murojaati
Batafsil