Kecha O‘zbekiston milliy metrologiya institutida “Metrologiya bo‘yicha standartlashtirish texnik qo‘mita” (MSTQ) faoliyatini tashkil etishga qaratilgan qo‘mitaning ilk yig‘ilishi onlayn tarzda o‘tkazildi.
Qo‘mita yig‘ilishida Texnik qo‘mita faoliyatini tashkil etish to‘g‘risidagi Nizom loyihasini tasdiqlash, Texnik qo‘mita rais va uning o‘rinbosarini saylash, Xalqaro qonunlashtiruvchi metrologiya tashkiloti (OIML)ning “R”va“D” toifasidagi tavsiyanomalarini Respublikaga joriy qilish va kalibrlash laboratoriyalarining xizmat qamrovini kengaytirish masalalari muhokama markazida bo‘ldi.
Yig‘ilish so‘ngida yuqoridagi masalalar bo‘yicha qo‘mita a’zolari tomonidan qaror qabul qilindi.
